HÁTÍÐARKASSINN

SEX SÉRVALDAR FLÖSKUR AF SPÆNSKU HANDVERKSVÍNI

Sex mismunandi vínflöskur í þyrpingu á gegnsæjum grunni.

Hátíðarkassinn inniheldur sex spænsk hágæðavín. Vínin eru sérvalin af Sóleyju Björk Guðmundsdóttur vínfræðingi sem býr og starfar í Barselóna.

Sóley valdi vín frá svæðum og handverksframleiðendum sem skara fram úr og eru bæði spennandi og bragðgóður kostur. Úrvalið í kassanum er fjölbreytt, en í honum er að finna eitt freyðivín, eitt léttara en bragðmikið hvítvín, eitt hvítvín sem er sérstaklega matarvænt, og þrjú rauðvín frá sumum af hæst metnu vínframleiðslusvæðum Spánar, Montsant og Priorat. Vínin fara bæði vel með mat og til að sötra ein og sér.

Þessi vín geta eru góð fjárfesting. Hægt er að drekka þau við öll tækifæri og þau geta komið sér vel fyrir hvaða hátíðarhöld sem er, á þessu ári eða eftir 5 ár, því vínin eru öll gæðavín sem hafa burði til að eldast!

Hátíðarkassinn kostar 45.000 krónur. Hann er fluttur inn til Íslands í takmörkuðu upplagi.

Hægt verður að sækja kassan á höfuðborgarsvæðinu eða fá hann heimsendan með Dropp.

Hvað leynist í kassanum?

Dökk freyðivínsflaska með grænum toppi og gulum miða.

Finca Valldosera Reserva

Freyðivín - árg. 2014

  • Þroskað, fíngert, klassískt, sítróna, súraldin, gul epli, perur, mjólkurkex, steinefni.

  • Graflax, grásleppuhrogn, hráskinka, djúpsteiktur kjúklingur og mildir ostar.


  • Xarel.lo, macabeo, parellada.

  • Penedés.

  • Freyðivínið hefur þroskast í áratug og hefur alla burði til að þroskast í annan í viðbót. Vínið er gert eftir kampavínsaðferðinni og er blanda af xarel-lo, parellada og macabeo, með ögn af chardonnay og subirat parent, klassískum cava þrúgum frá Penedés svæðinu í Katalóníu. Hér koma þær saman í fullkomnu jafnvægi. Bragðið er fíngert og þar er að finna bragð af sítrónum, grænum eplum, perum, kexi og steinefnum.

    • Ferill: vínið er þroskað með gerinu í 70 mánuði og hluti vínsins lá í 3 mánuði í frönskum eikartunnum.

    • Vínið hefur burði til að þroskast í 10 ár í viðbót.

    • Upplag: 18:000 flöskur

Gullin hvítvínsflaska með gulum vaxtoppi og hvítum miða.

Albaroque

Hvítvín - árg. 2021

  • Ferskt, ungt, náttúrulegt, sítróna, hvít ferskja, perur, sítróna, smjör, jógúrt, kex.

  • Rjómalagað pasta, fiskur, humar, aspassúpa, sítrónukjúklingur, hvítmygluostar, hamborgarhryggur.


  • Godello.

  • Ribeiro.

  • Vínið er ferskt og auðdrekkanlegt en um leið áhugavert því bragðtónarnir eru fjölbreyttir og bragðið mikið. Þrúgurnar eru treixadura og godello, sem eru líklega best geymdu leyndarmál Galisíu. Báðar ferskar og geta gefið af sér fjölbreytt vín eftir ræktunaraðstæðum og víngerðaraðferðum. Í Albaroque sína þær sínar bestu hliðar, kalt loftslagið í Ribeiro ljær víninu ferska sýru sem stendur með því mikla bragði sem landslagið og vínhúsið hafa gefið því. Í bragðinu af víninu er að finna kröftuga tóna af sítrónu, sítrónuberki, jógúrt, hvítum blómum, ferskju og steinefnum.
    Ferli: mikil snerting við gerið í ferlinu og 6 mánuðir í notuðum frönskum eikartunnum. 

    • Vínið hefur burði til að þroskast í 5 ár í viðbót.

    • Upplag: 1200 flöskur

Brúngullin hvítvínsflaska með svörtum toppi og ljósbrúnum miða.

Foresta Xarel.lo

Hvítvín - árg. 2022

  • Bragðmikið, þroskað, djúpt, sítróna, þroskuð epli, salt, ristað brauð, hnetur, steinefni.


  • Svínasteik, kalkúnn, humarsúpa, grillaður lax, andasalat og skata með hömsum.


  • Xarel.lo.

  • Penedés.

  • Vínið er gert úr einni þrúgu, xarel.lo, sem er í miklum hávegum höfð í Katalóníu. Hún er oftast notuð í freyðivínsgerð en getur gefið af sér stórkostlega stór og skemmtileg hvítvín í réttum höndum, og hér er hún svo sannarlega í réttum höndum. Vínekrurnar eru tiltölulega nærri sjónum og hafgolan hefur bæði kælandi áhrif og ljær víninu salttóna. Þrúgurnar eru handtýndar og aðeins þær bestu rata í þetta flaggskip víngerðarinnar, nógu bragðmiklar til að standa með sex mánaða legu í frönskum eikartunnum. Þetta skilar kröftugu víni með bragðtónum af eplum, sítrónu, hnetum, salti og steinefnum.

    • Ferli: 6 mánuðir í frönskum eikartunnum

    • Vínið hefur burði til að þroskast í 7 ár í viðbót.

    • Upplag: um 1100 flöskur

Svört rauðvínsflaska með silfruðum toppi og svörtum miða.

Las Estellades

Rauðvín - árg. 2021

  • Nokkuð bragðmikið, aðgengilegt, jarðarber, kirsuber, plómur, vanilla, kryddjurtir, bökunarkrydd, svartur pipar.

  • Lambalæri, folald, heilsteikt önd, hnetusteik, tvíreykt hangikjöt, krónhjörtur og nautalund.


  • Carinyena, garnatxa og syrah.

  • Montsant.

  • Vínið er blanda úr þrúgunum carinyena, garnatxa og syrah og kemur frá vínframleiðslusvæðinu Montsant og má kalla klassískt vín þaðan. Vínhúsið leggur mikið upp úr því að halda hefðum svæðisins í víngerð á lofti og draga fram allt það besta sem landið og vínviðurinn getur gefið af sér. Vínið er bragðmikið, ekki þungt og skemmtilega fjölbreytt. Bragðtónarnir eru af hindberjum, sólberjum, plómum, kryddjurtum og svörtum pipar. 

    Þetta er vín sem borgar sig að kæla lítillega áður en það er borið fram, hálftími í ísskáp eða niður í 16 gráður.

    • Ferli: 8 mánuðir í frönskum eikartunnum

    • Vínið hefur burði til að þroskast í 10 ár í viðbót.

    • Upplag: 8000 flöskur

Svört rauðvínsflaska með svörtum toppi og hvítum miða.

Ruella

Rauðvín - árg. 2021

  • Bragðmikið án þess að vera þungt með áberandi berjatón. Svört kirsuber, plómur, brómber, hint af steinefnum.

  • Hreindýr, villtir fuglar, lambakjöt, nautakjöt og bbq-grísarif.


  • Garnatxa.

  • Priorat.

  • Vínið er frá Priorat sem er eitt af aðeins tveimur vínframleiðslusvæðum á Spáni sem hafa hæsta gæðastaðal (hitt er flestum kunnugt, það er Rioja). Landslagið í Priorat er hrjóstrugt og hver vínviður ber tiltölulega lítið af berjum, sem þýðir að svæðið framleiðir ekki mikið og að vínin þaðan eru mjög bragðmikil. Ruella er engin undantekning. Það er gert úr spænsku þrúgunni garnaxta (þekkt sem grenache í Frakklandi), en fá svæði geta framleitt jafn krafmikil vín úr þessari þrúgu og Priorat. Í þessu víni er ávaxtabragð þrúgunnar dregið fram bæði í víngerðinni og í ræktuninni sjálfri, en akurinn snýr í norðaustur og þrúgurnar þroskast þar af leiðandi mjög hægt sem skilar sér áberandi tónum af svörtum kirsuberjum, plómum og brómberjum. Vínið er bragðmikið en auðdrekkanlegt og fer mjög vel með villibráð.

    • Ferill: trefjaplasttankar og beint í flöskur

    • Vínið hefur burði til að eldast í 5 ár í viðbót

    • Upplag: 3200 flöskur

Svört rauðvínsflaska með svörtum toppi og hvítum miða.

La Guinardera

Rauðvín - árg. 2020

  • Þroskað, bragðmikið, sólber, þurrkuð kirsuber og plómur, sveppir, skógarbotn, kryddjurtir, steinefni.


  • Nautasteik, grillað lambakjöt, rjúpa, sveppawellington, folaladapiparsteik og krónhjörtur.


  • Garnatxa.

  • Priorat.

  • Vínið er frá Priorat sem er eitt af aðeins tveimur vínframleiðslusvæðum á Spáni sem hafa hæsta gæðastaðal (hitt er flestum kunnugt, það er Rioja). Landslagið í Priorat er hrjóstrugt og hver vínviður ber tiltölulega lítið af berjum, sem þýðir að svæðið framleiðir ekki mikið og að vínin þaðan eru mjög bragðmikil. La Guinardera er frá sama framleiðanda og Ruella en bragðið er allt, allt annað. Vínið er flóknara, þroskaðra, með allt að því umami bragði. Það er ekki mjög litsterkt en bragðið er vissulega til staðar. Bragðtónarnir eru af sólberjum, kirsuberjum, jarðarberjum, bökunarkrydddum, sveppum og leðri. Það er vissulega bragðmikið, en ekki svo að það þurfi að leggja sig eftir eitt glas. Bragðið er ekki bara afskaplega gott, það er áhugavert, með marga núansa. Það finnst greinilega á bragðinu að það var vandað til við gerð vínsins og að markmiði vínhússins um að vínið væri tilbúið til drykkjar eftir 4 ár, en gæti haldið áfram að þroskast í áratugi, hafi verið náð.

    • Ferli: 12 mánuðir í notuðum frönskum eikartunnum.

    • Vínið hefur burði til að eldast í 20 ár.

    • Upplag: 2286 flöskur

Senda
vínpöntun